Bizkaiko lurraldean sortu berri diren enpresei nazioarteko erreferentziazko ekintzailetza-ekosistemekiko lotura eskaintzen dien laguntza-zerbitzua, negozio-ereduak bizkortzea eragiteko.

Bizkaiko Foru Aldundiak akordioak dituen erreferentziazko nodoetan aldi baterako egonaldiak egitea, startup horietako ekintzaile-taldeek berrikuntzako tokiko ekosistemarekin, inbertitzaileen sareekin, enpresekin edo beren proiektuak kontrastatzen lagun dezakeen beste edozein eragilerekin konektatzeko aukera izan dezaten.

Eskatzeko epea

Nazioarteko nodo bakoitzaren deialdiaren arabera.

Zerbitzuaren irismena

Nazioarteko Azelerazioko laguntza-zerbitzuak nazioarteko erreferentziazko ekintzailetza-ekosistemekin lotura eskaintzen die Bizkaiko lurraldean sortu berri diren enpresei, azelerazioa laguntzeko.

Laguntza emango dizugu

• Aldi baterako egonaldiak erreferentziazko nodoetan (Finlandia, Texas, Milan).
• Bisitatzen den nazioarteko nodoaren tokiko berrikuntza-ekosistemarekin, inbertitzaileen sareekin, enpresekin edo zure proiektuan kontrastea ekar dezaketen beste eragile batzuekin konektatzea.

Zerbitzu hau honako hauei zuzenduta dago

Bizkaiko startupak, negozio-eredu berritzailearekin eta garatutako gutxieneko produktu bideragarriarekin, eta haien ezagutza-arloa nazioarteko azelerazio-egonaldia garatuko den eskualdearen espezializazioarekin bat etortzea edo haren osagarria izatea.

Oraingo deialdia

Innovation Bridge Texas -Bizkaia

Prestaekin negozio-ideiak kudeatzeko prestakuntza- eta trebakuntza-proposamena da, Bizkaiko lurraldeko talde ekintzaileentzat. Zerbitzuaren helburua da ekintzaileen eta startupen trebetasunak eta gaitasunak hobetzea beren enpresa-proiektuei dagozkien kudeaketa-arloetan.

Enpresei laguntza ematen diegu gure komunikazio kanalen bitartez, haien lan eta proiektuak ezagutu eta zabal daitezen laguntzeko.

Enterprise Europe Network-eko euskal nodoko kide legez euskal enpresak nazioartera zabal daitezen laguntzen dugu, enpresa eta teknologia lankidetza sustatuz eta Europako Batasunak finantzatzen dituen I+G programak ahal gehien balia daitezen bultzatuz.

Erantzukizun mugatuko sozietateak (SL) eratzen ditugu telematikoki Dokumentu Elektroniko Bakarraren bidez (DEB), erregistroan inskribatzeko egin behar diren izapide guztiak zerbitzu bakarrean bilduz, aukeratutako notariotzan hitzordua eman eta guzti.